بسم الله الرحمن الرحيم
وتدقى يا اجراس تصحى كل الناس
تلقى اللى قلبه وطن شايل هموم الناس
والفارس اللى اندفن سيفه فى خوف الناس
واللى فى ساعة المحن ينده وفين الناس؟
واللى فى حلمه انسجن ولا عاد يشوف الناس
تلقى اللى صلى وحزن وبيدعى رب الناس
واللى لا يخشى زمن ولا حتى لوم الناس
واللى بيدى التمن ويعلى فوق الناس
واللى بحسنه سكن جوه قلوب الناس
دنيا ورحلة سفر دايرة بكل الناس
ومين يا ناس يبتدى يدق على الاجراس
مين يبتدى ياناس؟
احبى ياواد احبى اجرى فى عروق قلبى
واحكى ولا تخبى النبض والاحساس
ودق على الاجراس
اكبر يا روح روحى طبطب على جروحى
يا نسمة ما تروحى لا تخافى من الحراس
ودقى على الاجراس
شق يا واد ليلنا اقرأعناوينا
نشرب دوا نيلنا ولا نصب الكاس
وندق على الاجراس
لسه الامل معقول يا اخر العنقود
تكسر حدود وسدود تطلع قمر وناس
وتدق على الاجراس
-----------------------------------
ارجو ان ينال اعجبكم
تحياتى
امانى
الإثنين يونيو 23, 2008 4:50 am
